Сайлов қонунчилиги бўйича махаллий тренерлар тайёрлаш машғулотлари якунланди.
2021-06-12 10:54:42 381
Аввал хабар берганимиздек, Ўзбекистон Республикаси Марказий сайлов комиссиясининг 2021 йил 27 апрель кунги “Сайлов комиссия аъзоларининг малакасини оширишни ташкил этиш ҳақида”ги 1069-сон қарорига асосан, Фарғона вилоятида маҳаллий тренерларнинг сайлов қонунчилиги бўйича малакасини ошириш курслари ташкил этилган эди.
25 май куни Фарғона давлат университетининг Ахборот-ресурс марказида шаҳар ва туманлардан ташриф буюрган 38 нафар захира тренерлари учун ўқув машғулотлари бўлиб ўтди.
Улар республикамизнинг нуфузли олий ўқув юртларидан ташриф буюрган профессор-ўқитувчилар орқали бу йилги муҳим сиёсий жараён - президентлик сайловига тайёргарлик кўриш, уни демократик тартиб-тамойиллар ҳамда кўтаринки руҳ ва юқори савияда ўтказиш борасидаги ўз билим ва кўникмаларини янада ошириб олдилар.
Ўқув семинари сўнгида Фарғона вилоят ҳокимининг жамоатчилик масалалари бўйича маслаҳатчиси Ю.Камолов республикадан вилоятга бириктирилган профессор-ўқитувчиларга ўз миннатдорчилигини билдириб, мамлакатимизда амалга оширилаётган кенг кўламли ислоҳотлар мазмун-моҳиятини вилоят жамоатчилигига етказиш, аҳолининг сиёсий-ҳуқуқий кўникмаларини оширишда кўрсатган хизматлари учун Фарғона вилояти ҳокимининг "ТАШАККУРНОМА"си ҳамда қимматбаҳо эсдалик совғаларини топширди.
Шунингдек, ўқув машғулотларида иштирок этган тингловчилар ушбу ташкил малака ошириш курслари давомида сиёсий-ҳуқуқий кўникмаларини янада ошириб олганликлари ҳамда олган билимларини кенг амалиётда ҳам қўллашларини таъкидлаган ҳолда уни ташкил этганлар ва дарс машғулотларини олиб борган ўқитувчиларга ўз миннатдорчиликларини изхор этдилар.
Жорий йилнинг 7 июнь санасидан эса, махаллий тренерлар шаҳар ва туманларда ўн мингдан ортиқ сайловга масъул шахслар учун ўқув машғулотларини олиб боришади.